Потпретседателката на Венецуела Делси Родригез изјави дека владата на оваа земја не знае каде се наоѓаат претседателот Николас Мадуро и неговата сопруга Силија Флорес. „Бараме итен доказ дека претседателот Мадуро и неговата сопруга Силија Флорес се живи“ изјави Родригез за државната телевизија на Венецуела.
Министерот за одбрана на Венецуела Владимир Падрино изјави дека земјата ќе се справи со присуството на странски трупи, додека американскиот претседател Доналд Трамп тврди дек Американците го заробиле Мадуро и го префрлиле надвор од земјата.
Падрино додаде дека американските напади погодиле цивилни подрачја и дека властите во моментов собираат информации за загинати и ранети, пренесе Ројтерс.
Венецуелската влада ги обвини САД за воена агресија и соопшти дека таквите постапки ги орфрла, ги осудува и решително ги одбива.
Во соопштението се наведува дека САД се обидува да ги заземе стратегиските ресурси на Венецуела особено нафтата и минералите и насилно да ја скршат политичката независност на нацијата.
Слични новости
Нови израелски напади врз Бејрут
Израелски воздушен напад утрово погоди станбена зграда во Башура, централен Бејрут. Големи облаци чад се издигаа од местото додека автомобилите минуваа покрај него.
Иран без клучен стратег во војната по убиството на Али Лариџани
Лариџани не беше воен командант, но играше централна улога во обликувањето на стратешките одлуки на Иран. Тој беше на чело на донесувањето одлуки за војната, дипломатијата и безбедноста, особено во односите со САД и Израел
Германија ја одби поканата на Трамп за помош во Ормутскиот теснец
Германскиот министер за надворешни работи Јохан Вадефул изјави дека Берлин не гледа улога на НАТО во решавањето на ситуацијата во Ормускиот теснец.