Од околу 11 часот и 30 минути е почнат пожар над православните гробишта во Тетово на ридот Балтепе. Тетовските пожарникарите по пријавата почнале со интервенција на огнот кој се појавил во објект, па се шири во правец на врвот на ридот.
„Пожарот избувнал во стар објект-плевна. Ние по пријавата, дојдовме овде кај православните гробишта и пуштивме црева нагоре затоа што нема пат по кој може да се оди нагоре со противпожарни возила.
Побаравме евакуација на луѓето од блиските куќи. Огнот го изгасивме кај плевната и со тоа спречивме да бидат загрозени блиските куќи, но продолжи да се шири во шумата и кон Калето“, изјави Авни Амети, командир во тетовската пожарна.
Во 13 часот и 20 минути на пожарот почнаа и интевенции од воздух со хеликоптер. Дел од пожарникарите се поставени на пат кон врвот од ридот Балтепе со цел да интервенираат над пожарот.
Слични новости
Грчките цариници запленија над 1.000 боци нелегален фреон – 296 се откриени во камион од Македонија
Во раните утрински часови на граничниот премин Дојрани, при контрола на празен товарен контејнер од Северна Македонија, во специјално направена преграда биле откриени 296 боци нелегална разладна течност од типот R134a, за кои царините и даноците се пресметуваат во износ од 55.000 евра
ССНМ: Новинарите мора да имаат пристап до информации
Одлуката за тоа кои прашања се релевантни не се во надлежност на владините комуникациски служби — тоа е во надлежност на новинарите, медиумите и јавноста. Ваквата пракса не смее да продолжи.
Министерство за здравство: Фостер од овој месец ќе може да се зема од аптеките со партиципација по рецепт
Почнувајќи од овој месец, осигурениците повторно ќе можат да го подигнат лекот од аптеките без доплата, односно само со плаќање на законски утврдената партиципација за услугата по рецепт.