Францускиот претседател Емануел Макрон свика итен состанок на кабинетот за денес на кој ќе се разговара за шумските пожари што се приближуваат кон Бордо, на југозападниот дел од земјата.
Борбата против пожарите ќе биде дополнително комплицирана од новиот топлотен бран што го погодува регионот, додека големи пожари се активни и во Шпанија, објави Би Би Си.
Во Франција е во тек најголемата евакуација на население по Втората светска војна. Иако градоначалникот на Бордо изјави дека самиот град засега не е директно загрозен, бројни населби во неговата околина се целосно евакуирани.
Повеќе од 330.000 луѓе се евакуирани во Франција и Шпанија поради шумските пожари што беснеат низ Европа со недели. Само во југозападна Франција, над 220.000 жители ги напуштија своите домови.
Вкупно 98.000 хектари изгореа во Франција оваа година, вклучувајќи 42.000 на југозапад, што ги прави овие шумски пожари најголеми од Втората светска војна.
Слични новости
Растат тензиите меѓу САД и Иран по истекувањето на договорот за прекин на огнот
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец
Техеран: Уништени над 200 непријателски дронови и авиони
Иранските системи за противвоздушна одбрана соборија повеќе од 200 непријателски летала за време на воениот конфликт со САД и Израел, вклучувајќи дронови и авиони со посади, изјави заменик командантот на Корпусот на Исламската револуционерна гарда Мостафа Изади.
Трамп: Ми се допаѓа идејата Ормутскиот теснец да се прогласи како територија на САД
Американскиот претседател Доналд Трамп изјави дека му се допаѓа идејата Ормутскиот теснец кој се наоѓа меѓу Персискиот и Оманскиот залив да се прогласи како територија на САД, навдувајќи дека Америка веќе го контролира.