Петта победа во низа за Арсенал кој чекори кон титулата

Фудбалерите на Арсенал го победија на гости Борнмут со 3:2 во 20-тото коло од англиската Премиер лига. Со петтата победа во низа Арсенал се зацврсти на првата позиција со 48 бодови, шест повеќе од второпласираната Астон Вила и седум повеќе од Манчестер сити кој има натпревар помалку.

Тимот на Микел Артета игра сјајно и е на добар пат да ја освои титулата на која чека уште од 2004-та година.

Борнмут прв дојде во водство од 1:0 по ужасна грешка на Габриел во 10-тата минута, но Арсенал најпрвин изедначи во првото полувреме, а потоа во второто со два гола на Деклан Рајс поведе со 3:1. Во финишот на мечот борбата се распламте откако Крупи постигна ефектен гол од 20-ина метри за 2:3.