Стриминг гигантот Нетфликс се откажа од натамошно наддавање за купување на едно од најголемите холивудски студиа Ворнер Брос и неговата огромна филмска архива.
„Ворнер брос“, кој лани објави дека е на продажба, кажа дека последната понуда на „Парамаунт“ е супериорна во споредба со онаа на „Нетфликс“, кој, пак, одби да ја зголеми својата понуда.
Извршните директори на Нетфликс изјавија дека нема да се обидат да ја надминат понудата на „Парамаунт“, велејќи дека договорот по таа цена веќе не е финансиски привлечен.
„Парамаунт“ пред неколку дена ја подобри својата понуда, нудејќи 31 долар за акција, додека „Нетфликс“ претходно понуди цена од 27,75 долари за акција.
„Парамаунт“ е на добар пат да ја преземе контролата врз легендарното филмско студио заедно со неговите филмови и медиумски мрежи, што би можело значајно да ги преобликува Холивуд и поширокиот медиумскиот пејзаж.
Со оваа зделка, „Парамаунт“ го добива и стриминг сервисот „ХБО макс“, како и информативната телевизија „Си-Ен-Ен“.
Слични новости
Биткоинот падна за еден насто на 74.250 евра
Индексто на страв и алчност денеска се наоѓа на нивото 20 во категоријата „екстремен страв“, што е полошо во однос на категоријата 25 во која се наоѓаше.
Златото со нов рекорд, денес се продава по 138 евра за грам
Златото и денес се тргува со засилен интерес на светските финансиски пазари, потврдувајќи ја својата улога како безбедно засолниште во услови на глобална економска неизвесност.
Индија планира да ги намали царините на автомобилите увезени од ЕУ
Индија планира да ги намали царините на автомобилите увезени од ЕУ од 110 на 40 насто, што би претставувало голем исчекор кон спогодба за слободна трговија меѓу оваа азиска земја и ЕУ.