Стриминг гигантот Нетфликс се откажа од натамошно наддавање за купување на едно од најголемите холивудски студиа Ворнер Брос и неговата огромна филмска архива.
„Ворнер брос“, кој лани објави дека е на продажба, кажа дека последната понуда на „Парамаунт“ е супериорна во споредба со онаа на „Нетфликс“, кој, пак, одби да ја зголеми својата понуда.
Извршните директори на Нетфликс изјавија дека нема да се обидат да ја надминат понудата на „Парамаунт“, велејќи дека договорот по таа цена веќе не е финансиски привлечен.
„Парамаунт“ пред неколку дена ја подобри својата понуда, нудејќи 31 долар за акција, додека „Нетфликс“ претходно понуди цена од 27,75 долари за акција.
„Парамаунт“ е на добар пат да ја преземе контролата врз легендарното филмско студио заедно со неговите филмови и медиумски мрежи, што би можело значајно да ги преобликува Холивуд и поширокиот медиумскиот пејзаж.
Со оваа зделка, „Парамаунт“ го добива и стриминг сервисот „ХБО макс“, како и информативната телевизија „Си-Ен-Ен“.
Слични новости
Поради војната на Блискиот исток економистите очекуваат повисока инфлација и побавен раст во САД
Проекциите за економскиот раст на САД се намалени и сега проценката е дека растот на БДП-то во САД ќе изнесува 2,3 проценти, со послаба лична потрошувачка и побавен раст на вработувањата во првата половина од 2026.
Војната во Иран ги зголеми светските цени на ѓубривата за 40 насто
Војната во Иран резултираше со скок од 30-40% на цената на минералните ѓубрива од почетокот на годината, што ги загрозува меѓународните цени на храната.
Нафтата Брент надмина 112 долари и е на највисоко ниво во последните три години
Меѓународната референтна цена на суровата нафта Брент се зголеми за 4,22% и изнесува 112,57 долари на светските берзи, додека цените на американската сурова нафта се зголемија за 5,46% и се затворија на 99,64 долари за барел.