Цената на среброто се намали за цели 17 отсто, откако накратко се искачи на над 90 долари за унца за време на раното тргување во Азија.
По рекордните цени кои изгледаа дека одат премногу далеку и премногу брзо, металот се повлече за повеќе од една третина од историскиот максимум достигнат на 29 јануари.
Во меѓувреме, златото се намали за цели 3,5 отсто во време на нестабилно тргување.
Наглиот и остар пад на благородните метали исто така влијаеше врз расположението на пазарите со основни метали, при што бакарот падна за повеќе од 1 отсто и се спушти под 13.000 долари за тон.
Благородните метали минатиот месец нагло пораснаа во трка поттикната од шпекулативен моментум, геополитички превирања и загриженост за независноста на американската централна банка.
Тој налет нагло заврши на крајот од минатата недела, во петокот, со најголем дневен пад на среброто досега и најголем пад на златото од 2013 година.
Слични новости
Објавена новата листа на милијардери, бројката поголема од минатата година
Бројот на милијардери ширум светот се искачи на рекордни 3.428, што е значителен скок во однос на минатогодишните 3.028. Вкупното богатство на луѓето на оваа листа се проценува на 20,1 трилиони долари, или четири трилиони повеќе од минатата година.
Цената на нафтата се стабилизира
Цените на нафтата утрово стагнираат по големите флуктуации на почетокот на неделата иако Иран сè уште не дозволува танкери да минуваат низ Ормутскиот теснец, што не го спречува извозот на нафта од Блискиот Исток.
Турската економија би можела да загуби десетици милијарди долари ако потрае војната со Иран
Извозот на Турција во земјите на Блискиот исток надминува 30 милијарди долари, а регионот остварува и седум милјарди долари приход од туризам.