Осасуна на новороденчињата им подарува дрес, играчка, сликовница и 50 евра

Шпанскиот фудбалски тим од првата лига Осасуна на секое новороденче во регионот Навара ќе му подри клупски дрес, шорцеви, кадифена играчка, сликовница и 50 евра.

Во Навара, која има население од 685.000 жители, секое бебе родено по Нова година има право на пакетот.

„Осасуна е суштински дел од идентитетот на Навара. Со оваа иницијатива, сакаме девојчињата и момчињата родени тука да се чувствуваат поврзани со Осасуна од првиот ден, со она што нашите бои и вредности го претставуваат“, рече претседателот на клубот Луис Сабалза во северната шпанска покраина.

 

Гестот, наречен „Осасунисти од колепката“, е финансиран од спонзорите на клубот.

За да го добијат пакетот, родителите мора да поднесат барање на официјалната веб-страница на клубот. Децата родени во Универзитетската болница во Навара можат да го добијат пакетот таму, додека оние родени во други болници можат, при аплицирање, да побараат да го подигнат од канцеларијата на Фондацијата Осасуна на стадионот Ел Садар или од која било филијала на банката Каха Рурал.

Осасуна, која е 12-та меѓу 20-те клуба во шпанското првенство, е најпопуларниот клуб во регионот со силен баскиски идентитет.

Фондацијата на клубот соработува со училиштата со години на разни социјални активности низ Навара, а сега презеде чекор за проширување на членството од раѓање до жителите таму.

globe

Слични новости

Засилена безбедноста за Оскарите по иранските закани за напад врз Калифорнија

Засилена безбедноста за Оскарите по иранските закани за напад врз Калифорнија

Продуцентите на спектаклот на доделувањето на наградите Оскар што ќе се одржи во недела вечер во Холивуд изјавија дека „сакаат сите да се чувствуваат безбедни и заштитени“ на церемонијата, откако ФБИ предупреди дека Иран планира да ја нападне Калифорнија со дронови.