Горивата од синоќа од полноќ повторно поскапеа и според последната одлука на Регулаторната комисија за енергетика, малопродажните цени на нафтените деривати во просек се зголемија за 4,85 отсто.
Најголемо е поскапувањето кај дизелот. ЕУРОДИЗЕЛ БС поскапува за 6,50 денари за литар и од полноќ се продава по највисока цена од 98 денари за литар.
ЕУРОСУПЕР БС-95 и ЕУРОСУПЕР БС-98 поскапеа за по 4,50 денари за литар. Новата цена на ЕУРОСУПЕР БС-95 изнесува 91,50 денари, а на ЕУРОСУПЕР БС-98 93,50 денари за литар.
Од Регулаторната комисија објаснија дека во однос на претходната пресметка се зголемиле референтните цени на нафтените деривати на светскиот пазар. Кај бензините растот е 8,983 отсто, кај дизелот 10,979 отсто.
Поскапувањата на бензините синоќа предизвикаа гужви на бензинските пумпи во Скопје, бидејќи граѓаните сакаа да наточат гориво по стара цена и да заштедат.
Слични новости
„Фич“ го потврди кредитниот рејтинг на Македонија ББ+
Агенцијата за кредитен рејтинг „Фич” го потврди кредитниот рејтинг на земјава на ниво „ББ+” со стабилен изглед, препознавајќи ги позитивните перспективи за економски раст, силната инвестициска активност и реформскиот процес поврзан со пристапувањето кон Европската Унија, соопшти Министерството за финансии.
ВМРО-ДПМНЕ бара од Обвинителството да истражи зошто биле исплатени 4,6 милиони евра во провизии за железничкиот коридор
Државата платила 4,6 милиони евра провизии за неповлечени средства додека проектот за железничкиот Коридор 8 со години стои незавршен, обвинуваат од ВМРО-ДПМНЕ повикувајќи се на наодите од Државниот завод за ревизија .
Загина фудбалерот Даниел Николовски
Во раните утрински часови денеска, во сообраќајна несреќа, животот го загуби младиот фудбалер Даниел Николовски (21). Николовски бил дел од младинските категории на Тетекс, а љубовта кон клубот ја продолжил и во сениорскиот тим.