Одложен е состанокот во Брисел на кој камионџиите во регионот и ЕК требаше да изнајдат начин за решавање на проблемите на професионалните возачи, откако стапија во сила новите правила за престој во Шенген зоната.
Правилата предвидуваат престој од максимум 90 дена во период од 180 дена, што го загрозува работењето на професионалните возачи, за што е свесна и администрацијата во Брисел.
Беше најавено воведување посебен режим на продолжен краток престој, кој би им овозможил на камионџиите да останат во Шенген-зоната под контрола и со јасни правила, но засега решение нема.
Од први април почнува рокот кога земјите од ЕУ би можеле строго да го применат правилото за максимален 90-дневен престој. Во пракса, тоа значи дека бројот на можни тури ќе се намали, што сериозно ја загрозува одржливоста на бизнисот и работата на возачите.
Слични новости
Намален бројот на работниците во индустријата
Бројот на работниците во индустријата во периодот јануари – декември 2025 година, во однос на периодот јануари – декември 2024 година, се намалил за 3.5 %, објави Државниот завод за статистика.
Состанок ЕУ-Западен Балкан посветен на проблемите на превозниците
Министри од шесте земји од Западниот Балкан и претставници на Европската комисија денеска ќе одржат состанок во онлајн формат посветен на предизвиците со кои се соочуваат превозниците од регионот при патување и престој во Шенген зоната.
ЕК ќе го одложи „ЕЕС“ системот до септември поради ризик од летен хаос
Целосната имплементација на новиот биометриски систем за влез/излез на ЕУ е одложена до септември 2026 година поради можноста од создавање хаос на границите во летниот период.