Бројот на милијардери ширум светот се искачи на рекордни 3.428, што е значителен скок во однос на минатогодишните 3.028.
Вкупното богатство на луѓето на оваа листа се проценува на 20,1 трилиони долари, или четири трилиони повеќе од минатата година.
На прво место е Елон Маск, основач на Тесла и СпејсИкс, со проценето богатство од 839 милијарди долари. На второ и трето место се коосновачите на Гугл, Лари Пејџ, со 257 милијарди долари и Сергеј Брин со 237 милијарди долари.
Претседателот на САД, Доналд Трамп, исто така, значително го зголеми своето богатство. Неговиот имот порасна за 27 проценти, достигнувајќи 6,5 милијарди долари, првенствено благодарение на договорите за криптовалути и откако беше поништена пресудата за финансиска измама во Њујорк. Ова го стави Трамп на 645-то место на листата на најбогати луѓе во светот.
На првите шест места на листата се наоѓаат американски милијардери. Меѓу најбогатите се основачот на Амазон, Џеф Безос, со 224 милијарди долари, извршниот директор на Фејсбук, Марк Закерберг, со 222 милијарди долари и коосновачот на Оракл, Лари Елисон, со 190 милијарди долари.
Слични новости
Продолжува растот на цените на нафтата и гасот поради воената криза на Блискиот исток
Фјучерсите на европските цени на гасот скокнаа и за 33 насто на највисоко ниво од јануари 2023, откако Катар целосно го прекина производството на течен природен гас ЛНГ, по иранските напади со дронови врз клучните постројки за прозводство на гас.
Голем пад на европските компании на берзите
Акциите на европските компании забележаа голем пад на берзите откако САД и Израел започнаа напади врз Иран во текот на викендот. Паневропскиот СТОКС падна за 1,7 насто, при што главните берзи забележаа негативни резултати.
Ако продолжи војната на Блискиот исток цената на нафтата може да надмине 100 долари по барел
Аналитичарите предупредуваат дека повеќе немири, хаотичен вакуум во власта, напади што би го прекинале производството или продолжено затворање на клучниот Ормутски теснец би можеле да ја зголемат цената на нафтата на 100 долари за барел или повеќе.