Најмалку три лица загинаа во нов бран руски напади врз Украина, соопштија украинските власти. Во главниот град Киев, меѓу жртвите е и 12-годишно дете, а најмалку 18 лица се повредени по ракетни и напади со беспилотни летала врз станбени објекти.
Еден човек загинал и во градот Днипро, додека напади се пријавени и во Харков и Одеса, кадешто има повеќе повредени.
Во меѓувреме, руските власти тврдат дека во украински напад со дрон во јужна Русија загинале две деца.
Нападите следуваат по краткото примирје за време на православниот Велигден, за кое двете страни меѓусебно се обвинија дека го прекршиле.
Слични новости
Бројот на жртви се искачи на 90 по експлозија на гас во рудник во Кина
Речиси 250 луѓе работеле под земја во рудникот кога се случила експлозијата. Стотици спасувачи се испратени на местото на настанот. Снимките од државните медиуми покажуваат болничари како носат носилки на местото, а во позадина се гледаат амбулантни возила.
Иран и САД не постигнаа договор за завршување на војната, но разликите се намалени
Иран и САД сеуште не постигнаа договор за завршување на војната, но разликите меѓу Вашингтон и Техеран се сепак намалени, изјави висок ирански извор за Ројтерс. Меѓу спорните точки остануваат иранското збогатување на ураниум и контролата врз Ормутскиот теснец.
Трамп најави дополнителни 5.000 американски војници во Полска
Соединетите Американски Држави ќе испратат дополнителни 5.000 војници во Полска, соопшти американскиот претседател Доналд Трамп. Оваа најава на Трамп доаѓа по само два дена откако потпретседателот Џеј Ди Венс пред новинарите изјави дека распоредувањето на американските сили во Полска се одложува.