Израел и САД во моментов имаат „надмоќ“ и контрола врз речиси целиот ирански воздушен простор, изјави израелскиот амбасадор во ОН Дени Данон.
Тој посочи дека во наредните денови Израел ќе ја покаже таа супериорност, откако беа извршени нови воздушни напади врз ирански ракетни лансери и истражувачки нуклеарен објект.
Иран возврати со десетици балистички ракети кон Израел, како и со напади низ регионот на Заливот, таргетирајќи американски амбасади и предизвикувајќи прекини во енергетските испораки и воздушниот сообраќај.
Поголемиот дел од ракетите биле пресретнати, но од почетокот на конфликтот загинале најмалку 11 лица во Израел.
Данон предупреди дека и покрај тоа што американско-израелските напади ги ослабнале иранските капацитети, Техеран и натаму располага со ракети скриени под земја и во тајни локации. Тој порача дека операциите нема да траат бесконечно, но дека целта останува јасна „без нуклеарно оружје, без ракетна закана и без терористичка инфраструктура.“
Слични новости
Иран се подготвува за напад од САД
Додека САД го засилуваат своето воено присуство на Блискиот Исток во последните денови, Иран презема низа чекори што укажуваат дека е подготвен за потенцијален вооружен конфликт, од обнова на ракетни објекти до понатамошно идентификување на нуклеарни локации.
Аксиос: Трамп ги разгледува опциите за Иран, вклучително и воена акција
Администрацијата на САД ги разгледува сите опции за Иран, а дипломатското решение кое би било прифатливо за Вашингтон е на Иран да му се дозволи „симболично“ збогатување на ураниум, под услов да нема можност за развој на нуклеарна бомба.
Британската Монархија во огромна криза по апсењето на поранешниот Принц Ендру
Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален претсапник.