Денвер убедливо го победи Хјустон со 129:93 во битката за првите шест места што водат во плеј офот. На натпреварот Никола Јокиќ постигна 16 коша, 12 асистенции, 12 скока и имаше и пет украдени топки, а во последната четвртина поради комотното водство, воопшто и не влезе во игра.
Ова е четврта година по ред во која Јокиќ постигнува 25 трипл-дабла, по што НБА лигата се огласи со соопштение дека српскиот центар испиша историја бидејќи стана првиот играч во НБА лигата што го достигнал ова остварување.
Со победата Денвер се искачи на петтото место во Западната конференција, со 40 победи и 26 порази, идентичен скор како и шестопласираната Минесота.
Слични новости
Рекорд на Лука Дончиќ во победата на Лејкерс против Кливленд
Најефикасен во тимот на Лејкерс беше Словенецот Лука Дончиќ кој постигна 42 коша. Дончиќ стана и играч на Лејкерси со најмногу поени во еден месец, уривајќи го рекордот на легендарниот Кобе Брајант.
Италија, Данска, Косово и Полска без пласман на Светското првенство, се пласираа Босна, Ќешка, Турција и Шведска
Италија го пропушта и третото Светско фудбалско првенство во низа, што е најголемото изненадување од баражите за пласман на Мундијалот. Тие синоќа во Зеница загубија на пенали од Босна и Херцеговина.
Босна направи огромен успех со пласманот на Светското првенство со победата над Италија на пенали
За Босанците ова е прв пласман на Светско првенство по нивното учество во 2014, а Италија пропушта и трет Мундијал по ред што е за репрезентација од такво реноме вистинска катастрофа.