Нетфликс ја откажа серијата „Терминатор Зеро“ по само една сезона

Анимираната серија „теминатор Зеро“ на стримерот Нетфликс е откажана и веќе нема да се снимаат нови сезони.

Креаторот на серијата Матсон Томлин напиша на платформата „Х“ дека и покрај добрите оценки од критиката и одличните реакции на публиката, серијата се откажува затоа што не успеала да привлече доволен број на гледачи.

Откажувањето на „Терминатор Зеро“ кое ја имаше премиерата во Август 2024  не е големо изненадување бидејќи во ниту еден момент не успеа да се пласира меѓу десетте најгледани серии на Нетфликс, ниту пак се покажа во мерењата на Нилсен.