Народната банка воведе тримесечна администрација во „Алта банка“ АД Битола поради околности што можат сериозно да ја загрозат нејзината солвентност.
Со решението од 1 ноември, за администратори се именувани Илија Андовски, Весна Стојчевска и Марија Тодоровска, кои ги преземаат надлежностите на управните тела и Собранието на акционери, со исклучок на одлуките за зголемување на капиталот.
Тие имаат рок од 21 ден да ја утврдат целокупната состојба во банката и да достават извештај до Народната банка… Во периодот на администрацијата се воведени ограничувања за располагање со средствата.
Физичките лица ќе можат да подигаат готовина и да плаќаат со картички издадени од банката кај трговци до 10.000 денари неделно, додека внатрешните трансакции во банката остануваат неограничени.
За правните лица се ограничени исплатите и трансферите надвор од банката, а одливните плаќања кон странство привремено се недостапнi. Од Народната банка посочуваат дека целта е банката да продолжи да работи, а интересите на штедачите и доверителите да бидат заштитени.
Слични новости
НБРМ влезе со администратор во Алта Банка, за граѓаните максимум 10 илјади денари неделно од сметка за да преживеат
Народната Банка на Македонија од вчера попладне го презеде управувањето со Алта Банка Битола, постави тројца администратори и воведе ограничувања за граѓаните клиенти кои од утре ќе имаат на располагање 10 илјади денари неделно односно 40 илјади денари месечно
Наредниот период врнежливо, најобилни дождови се очекуваат во недела и понеделник
Променливо облачно време со повремени врнежи од дожд нè очекува во следните денови. Дождот ќе биде поизразен попладне и во текот на ноќта, а во недела и понеделник на одделни места се очекуваат и пообилни врнежи.
ВМРО ДПМНЕ жестоко реагираше на одлуката на Врховниот суд со која се укинаа пресудите за поранешните директори на болницата во тетово
Врховниот суд на Африм Фидани, диригиран од Филипче и Ахмети, ги ослободува од вина директорите на Тетовската болница во која се запали модуларната болница. Каков срам за правосудството во Македонија“ – рече Петрушевски од ВМРО-ДПМНЕ