Народната банка на Македонија утрово информира дека со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во „АЛТА банка“ АД Битола.
Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката.
Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври.
На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.
Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз оваа основа, соопштуваат од НБРМ.
Слични новости
Објавена нова граѓанска обврзница од 100 милиони денари
Министерството за финансии објави Проспект за издавање нова емисија Граѓански обврзници. Станува збор за четврта емисија Граѓански обврзници коишто ќе бидат со рок на доспевање 2 години и каматна стапка од 4,6% годишно.
Во сабота протест во Охрид против насилството врз жените
На 21 ноември, сабота, од 12 до 14 часот во Охрид ќе се одржи мирен граѓански протест против фемицидите, родово базираното и семејното насилство и институционалното непостапување.
ВРЕДИ до Ахмети: Наместо „Отворен Балкан“, приоритет треба да бидат Косово и Албанија
Коалицијата ВРЕДИ упати остри критики до лидерот на ДУИ, Али Ахмети, по неговите ставови за регионалната соработка и концептот „Отворен Балкан“.


