Народната банка на Македонија утрово информира дека со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во „АЛТА банка“ АД Битола.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката.

Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври.

На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз  оваа основа, соопштуваат од НБРМ.

 

Слични новости

Вкупно 352 Бугари во Македонија гласале на изборите за претседател на Бугарија – најмногу за двојката Јотова и Влчев

Вкупно 352 Бугари во Македонија гласале на изборите за претседател на Бугарија – најмногу за двојката Јотова и Влчев

Вкупно 352 бугарски државјани гласале на седумте избирачки места што беа отворени на територијата на Македонија на изборите за претседател и потпретседател на Бугарија

Платформата „Разговори за иднината 12:05“ побара обединување на опозицијата по изборите во Србија

Платформата „Разговори за иднината 12:05“ побара обединување на опозицијата по изборите во Србија

Организаторите на „Разговори за иднината во 12:05“порачаа дека политичките промени во Србија и Унгарија покажуваат дека граѓаните се уморни од традиционалните политички партии, долгогодишните функционери и, како што наведуваат, корупциските профитери.

Бензините поевтинуваат за пет денари, дизелот со иста цена

Бензините поевтинуваат за пет денари, дизелот со иста цена

Од ноќеска на полноќ, бензините Еуросупер БС-95 и Еуросупер БС-98 ќе се продаваат поевтино за пет денари за литар, соопштија од компанијата „Макпетрол“. Со новите цени, литар Еуросупер БС-95 ќе чини 91 денар, а Еуросупер БС-98 ќе се продава за 93 денари.