На затворената премиера на филмот „Бугониа“ на Јоргос Лантимос со Ема Стоун во ЛА, посетителите мора да ги избричат главите за да присуствуваат на проекцијата

Имате коса? Не може да влезете и да го гледате филмот ! Ова е правилото за специјализираната затворена премиера на најновиот филм на грчкиот режисер Јоргос Лантимос, со Ема Стоун во главната улога. Во филмот Ема Стоун игра со избричена глава, па посетителите ќе мора да имаат исто така избричена глава.

Проекцијата е закажана во 20 00 часот во Лос Анџелес, а од 18.00 за посетителите на располагање ќе има бербер кој ќе им ги избричи главите, или може да влезат, откако претходно ја избричиле главата.

Дел од процесот на бричење на посетителите, ќе биде сниман. Бугониа е четврти филм во кој Оскаровката Ема Стоун соработува со Јоргос Лантимос, а за улогата во „Кутри суштества“ на грчкиот режисер доби и Оскар за главна женска улога.