Националниот младински совет на Македонија (НМСМ) изрази загриженост поради измените во програмата за сеопфатно сексуално образование, оценувајќи дека во процесот на донесување одлуки недоволно се слушаат мислењата и потребите на младите.
Од Советот посочуваат дека програмата, првично замислена како изборен предмет за средношколците, била ревидирана и преименувана во „Здравје и заштита на здравјето“, при што биле отстранети или изменети делови што се однесуваат на родот, контрацепцијата и сексуалното здравје.
Советот бара Министерството за образование и наука и Бирото за развој на образованието јавно да објаснат дали учениците и младинските организации биле консултирани при измените на програмата и на кој начин биле земени предвид нивните ставови.
Дополнително, бараат да се организира структуриран дијалог со средношколците, ученичките организации и младинските здруженија, како и да се преиспита ревидираната програма врз основа на стручни докази и реалните потреби на младите.
Слични новости
Гужва пред српската, празно пред бугарската амбасада – различен интерес за гласањето во Скопје
Празно пред бугарската амбасада, гужва пред српската. Ваква е сликата од гласањето на бугарските и српските државјани во Скопје на изборите во нивните држави.
СДСМ: Цените растат, минималната плата останува 26.000 денари
Опозицискиот СДСМ обвинува дека Владата предводена од Христијан Мицкоски не презема мерки за заштита на животниот стандард на граѓаните, додека трошоците за живот и цените продолжуваат да растат.
ВМРО-ДПМНЕ: Филипче две недели не ги објавува најавените анкети
ВМРО-ДПМНЕ го обвини лидерот на СДСМ, Венко Филипче, дека две недели не ги објавува анкетите што ги најавил, а кои, според партијата, требало да покажат раст на рејтингот на СДСМ и пад на довербата во ВМРО-ДПМНЕ.