Иран соопшти дека е постигнат напредок за време на преговорите со Оман за управувањето на сообраќајот низ Ормутскиот теснец, а преговорите меѓу двете страни продолжуваат.
Портпаролот на иранското министерство за надворешни работи Исмаил Багеи изјави дека разговорите се водат на ниво на заменици министри за надворешни работии дека тие се фокусирани на безбедно одвивање на поморскиот сообраќај во Ормутскиот теснец.
Во меѓувреме, американскиот претседател Доналд Трамп и нареди на американската војска да ги запре нападите врз Иран за да се овозможи дипломатско решение на судирот. Откако 13 денови по ред Трамп ги одобруваше нападите на американската војска, од петокот Трамп не ја одобрува нивната примена и нареди војската да се воздржи од нови напади.
Трамп им изјави на новинарите во Белата куќа дека смета оти стратегијата за договор со Иран е паметна, но предупреди дека Американците имаат можност да продолжат со ударите и да ги интензивираат за да „уништат се што имаат Иранците“.
Трамп им порача на новинарите дека Техеран станува „се посериозен во разговорите“.
Слични новости
Растат тензиите меѓу САД и Иран по истекувањето на договорот за прекин на огнот
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец
Техеран: Уништени над 200 непријателски дронови и авиони
Иранските системи за противвоздушна одбрана соборија повеќе од 200 непријателски летала за време на воениот конфликт со САД и Израел, вклучувајќи дронови и авиони со посади, изјави заменик командантот на Корпусот на Исламската револуционерна гарда Мостафа Изади.
Трамп: Ми се допаѓа идејата Ормутскиот теснец да се прогласи како територија на САД
Американскиот претседател Доналд Трамп изјави дека му се допаѓа идејата Ормутскиот теснец кој се наоѓа меѓу Персискиот и Оманскиот залив да се прогласи како територија на САД, навдувајќи дека Америка веќе го контролира.