Многу студено време во Македонија

Многу студено време со минусни температури се регистрирани низ целата држава.

Според податоците на УХМР, најстудено било на Попова Шапка каде што се измерени -16 степени, во Маврови Анови се измерени -14 , а во  Крушево  -13 степени.

Иако во текот на денот ќе преовладува променливо облачно и сончево време, студениот северен ветер  повремено ќе засилува и, ќе го зголеми чувството на студ.

Максималните температури денеска во најтоплите делови во државата едвај ќе достигнат 3 степени.