Манчестер јунајтед планира да се засили со Рубен Невеш и Конор Галагер во зимскиот преоден рок

Британските медиуми пренесуваат дека Манчестер јунајтед ги следи Рубен Невеш од Ал Хилал и Конор Галагер од Атлетико Мадрид како потенцијални засилувања во јануарскиот преоден рок.

Тренерот Рубен Аморим сака да го засили средниот ред и тоа со играчи кои имаат искуство во Премиер лигата.

Постои интересирање и играчот за врска на Борнмут Тајлер Адамас, но се смета дека трансферот на американскиот репрезентативец е пореалистичен во летниот преоден рок.

Манчестер јунајтед е заинтересиран и за напаѓачот на Борнмут Антоан Семењо, но се наведува дека тој планира да замине во Ливерпул, а дека негова втора опција е Манчестер сити.