Компанијата ОКТА донесе одлука до крајот на март да обезбеди попуст од два денара по литар за дизел и бензин, за трговците кои набавуваат горива од компанијата. Велат дека овој потег доаѓа по зголемените количини гориво кои биле обезбедени преку продуктоводот „Вардакс“. Но, од нафтената компанија „Макпетрол“ сметаат дека намалувањето на цените од 2,5 денари (со ДДВ) за литар на нафтените деривати од страна на ОКТА не е доволно и не го решава проблемот кој го налага моменталната ситуација.
„Од утре, па до крајот на месецот, воведуваме попуст од два денара за литар дизел и бензин за оние големопродажни и малопродажни трговци коишто ги набавуваат своите горива од ОКТА. На тој начин, ние всушност им овозможуваме на овие компании понатаму да ја пренесат оваа придобивка кон потрошувачите. Сепак, мораме да нагласиме дека малопродажните и големопродажните трговци со горива ја задржуваат својата целосна слобода самостојно да ги утврдуваат продажните цени на горивата“, изјави Димитриос Пасхос, главен извршен директор на ОКТА АД – Скопје.
Од нафтената компанија „Макпетрол“ предупредуваат дека со оглед на состојбата, се очекува цените на суровата нафта и понатаму да растат, а тоа значи дека трговците и натаму ќе бидат принудени да работат со загуби. Посочија дека ОКТА и досега им продавала по цени повисоки од малопродажните.
„Имајќи предвид дека добавувачот во изминатиот период продаваше по многу повисоки цени од малопродажните регулирани цени од страна на РКЕ и остваруваа профити, додека трговците на мало работеа во загуба, но не ги затворија своите продажни објекти, за очекување беше дека ќе се добијат повисоки дисконти во набавната цена“, реагираат од „Макпетрол“.
Од „Макпетрол“ посочуваат дека како најдобро решение за надминување на проблемот за сите засегнати страни вклучувајќи и граѓаните, е замрзнување на набавните цени на нафтените деривати, а со тоа и малопродажните цени, како што е пракса во регионот. Додаваат и дека сè уште го чекаат официјалното известување од добавувачот ОKTA за намалувањето на цената.
Слични новости
МВР упаси повеќе лица, меѓу кои и доктори на скопските клиники за незаконски увоз на медицински материјали за естетика
По вчерашните претреси и апсења во Скопје, Битола и Струмица во врска со незаконски увоз на медицински материјали за естетика -ботокси и филери, Обвинителството и Министерството за внатрешни работи и денеска продолжуваат со претресите на повеќе локации.
Несреќа на градилиште во Кисела Вода, затрупани работници
Според првични информации од очевидци, има најмалку една жртва. Екипите на Итната медицинска помош се обиделе да извршат реанимација на едно од затрупаните лица, но без успех.
Кривичен суд одреди притвор од 30 дена за екс претседателот на ФФМ Сејдини
Кривичниот суд му определи притвор од 30 дена на екс претседателот на ФФМ Муамед Сејдини. Обвинителството бараше притвор за поранешниот претседател на Фудбалската Федерација на Македонија поради “опасност од бегство и оправдан страв дека осомничениот ќе ја попречува истрагата со влијание врз сведоците”.