Со почетокот на летната сезона и зголемениот бран патници кои патуваат кон јужниот сосед, на граничниот премин Богородица утринава се забележуваат огромни метежи.
Создадени се километарски колони од возила, кои буквално се споени и се протегаат во меѓуграничниот простор сè до грчкиот премин Евзони. Автомобили, автобуси и мотоцикли чекаат во повеќе ленти, што создава сериозен застој и нервоза кај возачите кои тргнале на викенд или на годишен одмор.
Главната причина за ваквиот интензивен сообраќај е традиционалниот викенд-бран карактеристичен за втората половина на јуни, кога илјадници македонски, но и транзитни странски државјани се упатуваат кон туристичките места во Грција.
Ситуацијата дополнително се усложнува поради сложените гранични процедури и проверки на патните исправи кои се спроведуваат од двете страни на границата.
Како резултат на тоа, времето на чекање за излез од државата и влез во Грција во моментов е драстично зголемено, па патниците се соочуваат со повеќечасовен престој во возилата под високите летни температури.
Слични новости
Уапсената директорка на гостиварски Комуналец и двајца други раководители за загадување на водата, спроведени во Судот
Директорката на гостиварски комуналец Артана Асани и уште двајца нејзини соработници, техничкиот директор на Комуналец, Леон Нуредини и Вадедин Дервиши шеф на „Водовод и канализација пред се уапсени и спроведени во Судот во Гостивар.
САД извршија нови удари врз Иран, Техеран возврати со напади врз Бахреин и Кувајт
Најновите напади покажуваат дека САД и Иран се приближуваат кон општа војна по распадот на минатомесечниот привремен договор кој требаше крајно да ги оконча судирите. Истовремено, речиси е целосно запрен поморскиот сообраќај низ Ормутскиот теснец.
ДУИ бара оставка од директорот на Јазичниот инспекторат
ДУИ побара оставка од директорот на Инспекторатот за употреба на јазиците, обвинувајќи дека институцијата не реагирала по наводни прекршувања на законската обврска за употреба на албанскиот јазик.