Италијанскиот второлигашки клуб Јуве Стабија, со седиште во Кастеламаре ди Стабија во близина на Неапол, е ставен под судска администрација поради можна вмешаност на мафијата во неговото работење, објавија италијанските обвинители и полицијата.
Неаполската мафијашка групација Камора има корени токму во Кастеламаре ди Стабија, а италијанските обвинители изјавија дека обемната истрага „открила систем сличен на мафијашкиот стил во економските активности на клубот“.
Сегашната сопственичка структура на клубот „ги наследула долгогодишни економски врски кои биле предмет на влијание на мафијата од самиот почеток и не воспоставила соодветни контроли и заштитни мерки како одговор“.
Компанијата „Brera Holdings“ со седиште во Ирска, купи 52 отсто од клубот во јуни оваа година.
Обвинителството тврди дека Камора ја контролирала продажбата на влезници, доставата на храна, облеката и обувките, медицинската грижа за играчите, па дури и патните трошоци на првиот тим.
„Играчите само требало да играат, Камора ја преземала грижата за сè друго“, рече обвинителот од Неапол, Никола Гратери.
Затоа, задачата на судската администрација ќе биде да ја врати легалноста и транспарентноста на менаџментот и да го врати клубот во состојба на независност од мешање на мафијата.
Минатиот месец, судска администрација беше воведена и врз клубот од третата лига Кротоне во јужниот регион Калабрија, исто така, поради сомневања за инфилтрирање на организиран криминал.
Слични новости
Слот засега останува тренер на Ливерпул, но под огромен притисок
Арне Слот порача дека продолжува да се бори и се обидува да ја поправи формата и резултатите на тимот. В недела Ливерпул игра против Вест Хем, и ако тимот не победи Слот веројатно ќе биде сменет.
Управата на Партизан не ја прифаќа оставката на Жељко ОБрадовиќ
На итната седница на Извршниот и Управниот одбор неговата оставка беше едногласно одбиена, со порака дека се подготвени да му овозможат промени во играчкиот кадар во мерка која тој ја смета за неопходна.
12 тима во борба за преостанатите 6 места во НБА купот
На Денот на благодарноста во САД немаше натпревари во северноамериканската НБА кошаркарска лига, додека петок ги носи последните 11 натпревари од НБА Купот, по што ќе бидат познати сите осум тима што ќе се пласираат во нокаут фазата