Кина во вторникот порача дека ќе ги „цврсто штити“ своите легитимни интереси, откако Доналд Трамп ѝ нареди на својата администрација да воведе царини од 25 проценти за сите држави што остваруваат трговија со Иран.
„Тарифните војни немаат победник и Кина решително ќе ги заштити своите законски и легитимни права и интереси“, изјави портпаролката на кинеското Министерство за надворешни работи, Мао Нинг, на прес-конференција во Пекинг.
Осврнувајќи се на безбедносната состојба на Блискиот Исток, Мао истакна дека Пекинг го поддржува Иран во напорите за зачувување на националната стабилност и се противи на мешање во внатрешните работи на земјата, како и на употреба или закани со сила во меѓународните односи.
Американскиот претседател во понеделникот на својата платформа Truth Social објави дека „веднаш, секоја земја што тргува со Исламската Република Иран ќе плаќа царина од 25 проценти за сите деловни активности со Соединетите Американски Држави“. „Оваа наредба е конечна“, додаде Трамп.
Соединетите Американски Држави и Кина се двете најголеми светски економии, а нивната билатерална трговска размена се мери со стотици милијарди долари, што дополнително ги засилува стравувањата од нов бран глобални економски потреси.
Слични новости
Европските акции паднаа поради очекување на повисоки каматни стапки
Акциите на аверопските берзи паднаа поради растот на цената на нафтата и стравот на инвеститорите дека ценралните банки ќе ги зголемат каматните стапки. Паневропскиот СТОКС падна за 1,7 насто, а и сите регионални берзи забележуваат негативни резултати.
Иран вели дека нема вишок нафта за продажба
Иранското Министерство за нафта ги оквалификува денеска како „психолошки трик“ изјавите на американскиот секретар за финансии Скот Бесант, кој рече дека Вашингтон привремено ги ублажува санкциите за да му дозволи на Техеран да продава нафта „што ја складирал на море“.
Лукоил во 2025 забележа пад на нето добивката за цели 45 насто
Руската енергетска компанија ЛУкоил денеска соопшти дека во минатата година забележа пад на нето добивката за 44,9 насто или вкупно 4,17 милијарди евра.