На единаесеттиот ден од изборната кампања за локалните избори 2025, кои ќе се одржат на 19 октомври, политичките партии, коалициите и независните кандидати продолжуваат со претставување на своите програми и кандидати пред граѓаните. Денеска се најавени митинзи и директни средби во повеќе општини низ државата.
ВМРО-ДПМНЕ и коалицијата ќе ги претстават своите кандидати во Зелениково, Илинден, Центар и Кисела Вода, додека СДСМ ќе најавија активности во Демир Капија, Росоман, Кавадарци и Неготино.
Левица, исто така, ќе се обрати пред граѓаните во Росоман и Кавадарци каде ќе се обратат претседателот на ПП Левица, Димитар Апасиев, пратеникот Сашко Јанчев, носителите на листа, Влатко Трајков и Круме Богевски и останатите кандидати за советници.
Кандидатот за градоначалник на Град Скопје од ВМРО-ДПМНЕ, Орце Ѓорѓиевски, ќе се обрати на прес-конференција што ќе се одржи во 11 часот во Општина Центар, пред Лимак.
Додека, кандидатот за градоначалник на Општина Чаир од редовите на Националната алијанса за интеграција (НАИ), Бујар Османи, ќе се обрати на прес-конференција на паркингот кај Пластичарска, во близина на Бурдем 2 со почеток во 12 часот.
Кампањата официјално завршува на 17 октомври на полноќ, по што следува изборниот молк пред гласањето на 19 октомври. Вториот круг е закажан за 2 ноември.
Ова се осми локални избори од независноста на државата, а четврти на кои се избираат градоначалници и советнички листи во 80 општини и Градот Скопје.
На 3.480 избирачки места ќе се гласа за 309 кандидати за градоначалници и 576 листи за општински совети – вкупно 10.490 кандидати.
На изборите учествуваат 22 партии, 19 коалиции и 119 независни кандидатури.
Најмногу кандидати за градоначалници има за Градот Скопје – 16.
Слични новости
Саем за храна со домашни производи и специјалитети од сите региони во Македонија
Под мотото „Вкуси ја традицијата преку домашна здрава храна“, Саемот ќе ги промовира производите „Македонско најдобро“. Саемот за храна ќе понуди богат избор на свежо овошје и зеленчук, млечни производи, мед, преработки од овошје и зеленчук и вино.
Променливо облачно време со локални врнежи од дожд
Времето денеска ќе биде променливо облачно со локални врнежи од дожд, кои повремено ќе бидат пообилни. Се очекува и невреме со пообилен пороен дожд, засилен ветер и појава на грмежи.
Побаран притвор за пет лица за поткуп, меѓу кои директорот на Платежната агенција и вработени во УЈП и МЗШВ
Дел од паричните средства кои биле дадени како поткуп, како што информираат од Обвинителство и МВР, во износ од 400 евра се пронајдени и одземени при вчерашниот претрес