Операцијата на американската влада во која беа заробени венецуелскиот претседател Николас Мадуро и неговата сопруга во саботата навечер беше осудена и од Камала Харис, поранешна демократска противничка на американскиот претседател Доналд Трамп.
„Дејствата на Доналд Трамп во Венецуела не ја прават Америка побезбедна, посилна или поприфатлива“, го започнува својот пост демократката на платформата X.
Харис пишува дека „бруталноста“ и „нелегитимноста на диктаторот“ Мадуро не го менуваат фактот дека американската операција била и „нелегална и неодговорна“.
„Го гледавме тој филм и претходно. Војни за промена на режимот или за нафтета кои се претставувани како моќ, но се претвораат во хаос, а американските семејства ја плаќаат цената. Американците не го сакаат ова и преку главата им е да бидат лажени. Не станува збор за дрога или демократија, туку за нафта и желбата на Доналд Трамп да биде регионална снагатор“, продолжи демократката.
И покрај нејзината неуспешна кампања на минатогодишните избори, Харис се смета за потенцијален демократски кандидат за изборите во 2028 година.
Во својот пост во саботата, таа напиша дека наместо „да ги загрозуваат нашите трупи, да трошат милијарди и да го дестабилизираат регионот“, на Соединетите држави им е потребно лидерство кое ќе даде приоритет на „намалување на трошоците за работничките семејства, зајакнување на владеењето на правото, зајакнување на нашите сојузи и – најважно – ставање на Американците на прво место“.
Слични новости
Загинаа осум луѓе во три одвоени лавини во Австрија
Осум лица загинаа во три одвоени лавини во Австрија, соопштија спасувачки служби и полицијата. Седум лица беа затрупани од лавина на врвот Финстеркоф, висок 2.150 метри, во покраината Салцбург
Санчез: Инвазија на САД на Гренланд би го направила Путин најсреќен човек на планетата
Санчез предупреди дека секоја воена акција на САД против големиот дански арктички остров ќе направи сериозна штета на НАТО и ќе даде легитимитет на руската агресија на Украина.
Расмусен: Ако САД употребат сила на Гренланд, тоа ќе биде крај на светскиот поредок каков што го знаеме
Расмусен, кој е поранешен генерален секретар на НАТО, изјави за „Фајненшл тајмс“ дека Трамп користел јазик за Гренланд сличен на оној што го користат „гангстерите“ во Русија и Кина, кои треба да се обиде да ги контролира.