Калас: Трамп намерно го ослабнува НАТО

Изјавите на американскиот претседател Доналд Трамп за НАТО, кои последните месеци се почесто ги доведуваат во прашање улогата и целисходноста на Алијансата, предизвикаа нова загриженост во европските политички кругови. Шефицата на европската дипломатија Каја Калас порача дека изјавите на Трамп не се одраз само на политичко незадоволство, туку и на интенција да се ослабне НАТО сојузот.

Таа рече дека внатре во НАТО немало формални барања за помош кои би можеле да послужат како основа за критиките за недоволна поддршка на САД во војната со Иран, со што се доведува во прашање оправданоста на обвиненијата на Трамп.

Таа рече дека критиките врз НАТО не се новина во настапите на американскиот претседател, но сега во контекст на зголемени трошоци за одбрана на европските земји, тие стануваат се почести и се помалку втемелени.