„Њујорк тајмс“ тврди дека новиот врговен водач на Иран Моџтаба Хамнеи го одобрил пакистанскиот предлог за двонеделен прекин на огнот по интензивни дипломатски преговори. „Њујорк тајмс“ пишува дека клучна улога во посредувањето имала Кина во последен момент.
Врховниот совет за национална безбедност на Иран соопшти дека „САД биле принудени да го прифатат иранскиот предлог од 10 точки кој вклучува фундаментална посветеност на неагресијата, одржување на иранската контрола врз Ормутскиот теднец, признавање на правото на Иран да збогатува ураниум, укинување на сите примарни и секундарни санкции и компензација за Иран“.
Предлогот на Иран содржи и „укинување на сите резолуции на Советот за безбедност на ОН и повлекување на американските борбени сили од регионот и крај на војната на сите фронтови, вклучувајќи ја и војната против Хезболах во Либан“.
Техеран соопшти дека Иран и САД на 10 април ќе одржат разговори во Исламабад„за да ги финализираат деталите и да ги потврдат политичките достигнувања на Иран на бојното поле“. Техеран додаде дека противникот сознал дека нема никакви шанси да победи.
Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.
Си Ен Ен наведува дека и Израел прифатил двонеделно примирје и дека ќе го прекине бомбардирањето додека траат преговорите.
Слични новости
Марта Кос со критики кон Белград за новите закони
Кога една земја е кандидат за членство во ЕУ, како што е Србија, очекуваме да се однесува европски, но вчера усвоените измени на правосудното законодавство претставуваа сериозен застој во тој поглед
ЕК ќе промовира нови стратегии за визи и за миграција и азил
Европската комисија денеска ќе усвои две нови стратегии, едната за визите, а втората за миграцијата и азилот.
Стармер: Лондон не мора да бира помеѓу САД и Кина
Јас сум прагматичар, британски прагматичар кој проименува здрав разум изјави Стармер, кој порача дека британски интерес е да се соработува со Кина која носи огромни можности.