„Њујорк тајмс“ тврди дека новиот врговен водач на Иран Моџтаба Хамнеи го одобрил пакистанскиот предлог за двонеделен прекин на огнот по интензивни дипломатски преговори. „Њујорк тајмс“ пишува дека клучна улога во посредувањето имала Кина во последен момент.
Врховниот совет за национална безбедност на Иран соопшти дека „САД биле принудени да го прифатат иранскиот предлог од 10 точки кој вклучува фундаментална посветеност на неагресијата, одржување на иранската контрола врз Ормутскиот теднец, признавање на правото на Иран да збогатува ураниум, укинување на сите примарни и секундарни санкции и компензација за Иран“.
Предлогот на Иран содржи и „укинување на сите резолуции на Советот за безбедност на ОН и повлекување на американските борбени сили од регионот и крај на војната на сите фронтови, вклучувајќи ја и војната против Хезболах во Либан“.
Техеран соопшти дека Иран и САД на 10 април ќе одржат разговори во Исламабад„за да ги финализираат деталите и да ги потврдат политичките достигнувања на Иран на бојното поле“. Техеран додаде дека противникот сознал дека нема никакви шанси да победи.
Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.
Си Ен Ен наведува дека и Израел прифатил двонеделно примирје и дека ќе го прекине бомбардирањето додека траат преговорите.
Слични новости
ЕУ замрзнува 1,5 милијарди евра за Србија
Комесарката за проширување на ЕУ, Марта Кос денеска ќе соопшти дека Европската унија замрзнува 1,5 милијарди евра наменети за Србија
САД запленија брод под иранско знаме
Веста ја доведе во прашање претходната најава на претседателот на САД Доналд Трамп дека американските преговарачи ќе се упатат кон Пакистан денеска на уште една рунда разговори со Иран и веднаш ја крена цената на нафтата на светските берзи.
Румен Радев убедлив победник на изборите во Бугарија
Резултатите од пребројувањето на гласовите сеуште не се конечни, но најверојатно е дека тој ќе освои 135 мандата во парламентот со 240 седишта и самиот ќе има мнозинство за формирање на влада.