Иранскиот претседател Масуд Пезешкијан денеска изјави дека Иран повеќе нема да ги напаѓа своите соседи во Персискиот Залив, освен ако не биде нападнат од тие земји.
Привремениот лидерски совет одлучи дека нема да има повеќе напади врз соседните земји, нема да бидат истрелани ракети, освен ако нападот врз Иран не потекнува од тие земји – рече Пезешкијан во говорот емитуван на државната телевизија.
Тој им се извини на соседните земји што ги нападна Иран, наведувајќи дека барањето на Соединетите Американски Држави за безусловно предавање на Техеран е „сон што треба да го однесат со себе во гроб“.
САД и Израел го нападнаа Иран пред седум дена, во саботата, на 28 февруари, на што Техеран одговори со ракетирање на Израел, Кувајт, Бахреин и други земји од Блискиот Исток.
Слични новости
Зеленски не е задоволен од исходот од разговорите во Женева
Украинскиот претседател Володимир Зеленски изјави дека резултатите од најновата рунда мировни разговори меѓу Русија и Украина, посредувани од САД во Женева, не се доволни.
Поранешниот претседател на Јужна Кореја осуден на доживотен затвор
Поранешниот јужнокорејски претседател Јун Сук-јеол е осуден на доживотен затвор по обвинението за поттикнување бунт поради неговата одлука за воведување воена состојба во декември 2024 година.
Зеленски порача дека ако дојде до договор за прекин на огнот Украина ќе го почитува
По вториот ден од трилатералните разговори меѓу Украина и Русија, со посредство на САД во Женева, нема конкретен напредок, иако преговарачите на двете страни изнесоа умерен оптимизам.