Израел планира значително да ја прошири копнената операција во Либан и да ја заземе територијата јужно од реката Литани, за да ги уништи воените позиции на Хеболах, соопштија израелски и американски службеници. „Ќе го направиме она што го направивме во Газа“, изјави висок израелски службеник.
Одлуката за проширување на израелската операција во Либан уследи откако Хезболах лансираше повеќе од 200 ракети врз Израел во координација со Иран.
„Пред овој напад бевме подготвени за прекин на огнот во ЛИбан, но по нападот, нема да се откажеме од масовна операција“, изјави висок воен претставник на Израел.
Израелските сили мобилизираа три оклопни и пешадиски дивизии во должина на границата и наредија евакуација на цивилите од јужен Либан, вклучувајќи ги и градовите и селата северно од реката Литани.
Слични новости
Историски минимум за Трамп: Мнозинството Американци не се согласува со политиката на Белата куќа
Само 33 насто од испитаниците изјави дека го поддржува Доналд Трамп како претседател, додека дури 62 насто не ги одобруваат неговите потези. Особено е впечатливо дека дури 53 насто од анкетираните „силно се спротивставува“ на актуелниот курс на американската администрација.
Kувајтски танкер со нафта погоден во Дубаи
Кувајтската нафтена корпорација соопшти дека танкерот за нафта „ал-Салми“ бил погоден од „непознат проектил“ покрај брегот на Дубаи во Обединетите Арапски Емирати. Фирмата вели дека пожарот на бродот е локализиран, целиот екипаж е безбеден и не е идентификувано никакво влијание врз животната средина.
Техеран тврди дека американските носачи на авиони се повлекоа на 1.000 километри од иранскиот брег
Американските носачи на авиони веќе не се присутни во Персискиот залив, бидејќи се повлекоа на 1.000 километри од брегот на Иран, изјави заменик-командантот на Исламската револуционерна гарда генерал Али Фадави.