Израел соопшти дека напаѓа локации поврзани со шиитските муслимански милитанти на Хезболах во Либан, еден од главните сојузници на Техеран на Блискиот Исток, откако Хезболах призна дека лансирал ракети и беспилотни летала кон Израел како одмазда за убиството на врховниот лидер на Иран, Али Хамнеи.
Израел изврши воздушни напади врз јужните предградија на Бејрут, контролирани од Хезболах, при што повеќе од десетина експлозии го потресоа либанскиот главен град.
Израел соопшти дека, исто така, нападна високи милитанти на Хезболах во близина на Бејрут.
Нападите меѓу Хезболах и Израел, кои следат по прекинот на огнот постигнат со посредство на САД во 2024 година, го прошируваат конфликтот на Блискиот Исток откако САД и Израел го нападнаа Иран во саботата, предизвикувајќи зголемување на цените на нафтата и застој во воздушниот сообраќај.
Според Министерството за здравство на Либан, во израелските напади врз Бејрут и јужен Либан загинаа 31 лице, а 149 се повредени. Израелската војска соопшти дека Хезболах е целосно одговорен за каква било ескалација и ги предупреди жителите на десетици села во јужен и источен Либан да се евакуираат.
Слични новости
Трамп и упати писмо на Кина да не испраќа оружје на Иран, Пекинг демантираше
Американскиот претседател Доналд Трамп изјави дека писмено побарал од кинескиот претседател Си Џинпинг да не дава оружје на Иран. Кинескиот претседател му одговорил дека Кина не го снабдува Иран со оружје.
Хезболах: Преговорите на либанската влада со Израел се национален грев
Состанокот меѓу Израел и Либан што го организираше американскиот министер за надворешни работи Марк Рубио е прв директен разговор меѓу Израел и Либан во последните 10-години.
Четири убиени лица, 20 повредени – ново пукање во училиште во Турција
Четири лица загинаа, а 20 се повредени кога средношколец денеска отвори оган во училиште во југоисточната турска провинција, Караманмарас