Началникот на Генералштабот на израелската армија, генерал-потполковник Ејал Замир, предупреди дека војната со Иран може да трае долго и ги повика офицерите да се подготват за продолжен конфликт.
Тој на состанок со Командата за заштита на цивилното население изјави дека Израел веќе две години се наоѓа во состојба на постојана вонредна состојба и дека се потребни истрајност и трпение.
Израелската војска меѓувреме соопшти дека во ноќен напад на морнарицата се убиени пет високи команданти на Исламската револуционерна гарда.
Според израелските информации, тие биле дел од силите Кудс и работеле во одделите задолжени за Палестина и Либан, каде наводно учествувале во финансирање, вооружување и разузнавачка поддршка на групите Хезболах и Хамас.
Слични новости
Историски минимум за Трамп: Мнозинството Американци не се согласува со политиката на Белата куќа
Само 33 насто од испитаниците изјави дека го поддржува Доналд Трамп како претседател, додека дури 62 насто не ги одобруваат неговите потези. Особено е впечатливо дека дури 53 насто од анкетираните „силно се спротивставува“ на актуелниот курс на американската администрација.
Kувајтски танкер со нафта погоден во Дубаи
Кувајтската нафтена корпорација соопшти дека танкерот за нафта „ал-Салми“ бил погоден од „непознат проектил“ покрај брегот на Дубаи во Обединетите Арапски Емирати. Фирмата вели дека пожарот на бродот е локализиран, целиот екипаж е безбеден и не е идентификувано никакво влијание врз животната средина.
Техеран тврди дека американските носачи на авиони се повлекоа на 1.000 километри од иранскиот брег
Американските носачи на авиони веќе не се присутни во Персискиот залив, бидејќи се повлекоа на 1.000 километри од брегот на Иран, изјави заменик-командантот на Исламската револуционерна гарда генерал Али Фадави.