Украинскиот претседател Володимир Зеленски во петокот ја објави својата намера да го замени министерот за одбрана Денис Шмихал, велејќи дека му ја понудил функцијата на Михаил Федоров, првиот вицепремиер и актуелен министер за дигитална трансформација.
„Одлучив да ја сменам структурата на украинското Министерство за одбрана. Му ја понудив на Михаил Федоров позицијата нов украински министер за одбрана“, рече Зеленски во своето секојдневно обраќање емитувано на социјалните медиуми.
Според него, „Михаил е многу вклучен во прашања поврзани со беспилотни летала и работи многу ефикасно на дигитализацијата на јавните услуги и процеси“. Украинскиот претседател, сепак, не ја објасни својата одлука да го замени актуелниот министер за одбрана, Денис Шмихал, поранешен премиер кој беше назначен на функцијата пред помалку од една година, во јули 2025 година.
Тој само рече дека Шмихал покажал добри резултати како министер за одбрана и дека му била понудена друга позиција во владата.
Михаил Федоров (34) ја извршува функцијата министер за дигитална трансформација од 2019 година. Тој е малку познат на јавноста и е новодојденец во политиката.
Во петокот, Володимир Зеленски го објави и назначувањето на шефот на украинската воена разузнавачка служба, Кирил Буданов, за шеф на претседателската администрација, што е клучна позиција. Буданов го заменува Андриј Јермак, еден од најмоќните луѓе во Украина пред неговиот пад поради корупциски скандал.
Слични новости
Трамп тврди дека Иран бргу ќе се предаде
Трамп им кажал на сојузниците дека „се ослободил од рак кој им се заканувал на сите“, додека се фалел со резултатите од операцијата „Епски гнев“ на состанокот на Г7 во средата наутро и ги уверувал дека војната во Персискиот залив нема долго да трае.
Се урна американски воен авион во Ирак
Американски воен авион за полнење на гориво КС-135 се урна во западен Ирак. Четворица од шестемина членови на екипажот загинаа, а по преостанатите двајца сеуште се трага.
Вашингтон употреби една од шесте најмоќни бомби за напад врз нуклеарен комплекс близу Техеран
Според проценките на експертите во нападот врз бункерите се користени бомбите ГБУ-57, кои се исклучително моќни бомби од конвенционалните муниции, а обично се носат на стратегиските бомбардери Б-2.