Осум лица загинаа во три одвоени лавини во Австрија, соопштија спасувачки служби и полицијата. Седум лица беа затрупани од лавина на врвот Финстеркоф, висок 2.150 метри, во покраината Салцбург, изјави портпаролката на планинската спасувачка служба. Четворица членови на скијачка група се пронајдени мртви, додека неколку други лица се тешко повредени.
Загина и жена во лавина во областа Бад Хофгаштајн. Националностите и возраста на загинатите и повредените во тие два случаи сè уште се непознати.
Трета несреќа со лавина се случи во Пустервалд во покраината Штаерска. Според полициски извештај, седум чешки скијачи се движеле во таа област кога лавината се активирала. Тројца од нив загинале, објави полицијата.
Слични новости
Нови ирански напади врз американските бази во Катар, Кувајт и Ирак, погодени и товарни бродови во Ормутскиот теснец
Како што соопшти официјален Техеран, бил покренат и „масовен ракетен напад“ врз американската Пета флота во регионот и дека станува збор за најразурнувачкиот напад од почетокот на војната.
Американската војска тврди дека уништи 16 ирански бродови кои поставувале мини во Ормутскиот теснец, за што објави снимки
Американската војска тврди дека нападнала и уништила 16 ирански бродови за поставување мини во близина на Ормускиот теснец, откако се појавија извештаи дека Иран почнал да поставува експлозивни направи во овој стратешки важен поморски пат.
„Њујорк тајмс“: Моџтаба Хамнеи ранет на првиот ден од војната
Повредата се случила за време на нападот врз станбен комплекс каде што се наоѓале неговиот татко и сопруга, кои загинаа. Степенот на повредата на Хамнеи сè уште не е јасен.