Исклучително успешниот кошаркарски стручњак Жељко Обрадовиќ во средата поднесе неотповиклива оставка од функцијата тренер на белградски Партизан.
Шеесет ипетгодишниот Обрадовиќ го напушти белградскиот тим по четири ипол години работа, а причината беа лошите резултати оваа сезона, пред сè во Евролигата. Моментално Партизан има скор од 4-9 во најсилното континентално клупско натпреварување, но и седум порази во последните осум настапи. Најновиот се случи во вторникот во Атина, каде што Партизан беше поразен од Панатинаикос со убедливи 69:91.
„Дојде моментот кога морав да ја преземам одговорноста за сите лоши работи што се случија оваа сезона и да го напуштам клубот“, рече Обрадовиќ, кој го освои Европското првенство со Партизан во претходниот мандат во 1992 година.
Последните години Обрадовиќ двапати ја освои регионалната АБА лига со Партизан, а во сезоната 2022/23 играше во четвртфиналето на Евролигата, каде што беше елиминиран од подоцнешниот првак Реал Мадрид.
Во исклучително успешната тренерска кариера, Обрадовиќ девет пати ја освои Евролигата со пет различни клуба.
Слични новости
Денвер Нагетс во серија победи и без Јокиќ
Кошаркарите на Денвер Нагетс денеска на свој терен ја победија екипата на Вашингтон Визардс со резултат 121:115 предводени од Џамал Мари кој постигна 42 коша.
Хјустон ја победи Минесота во дербито на Западната конференција
Хјустон ја победи Минесота во дерби меч од Западната конференција на НБА што се одигра утринава со 110:105. Најдобар поединец кај Хјустон беше Кевин Дурант кој даде 39 коша од кои шест тројки
Данска-Македонија 36:24, клучните натпревари против Португалија и Романија
Капитенот на македонската ракометна репрезентација Филип Кузмановски изјави по вечерашниот пораз од Данска (24-36) на отворањето на Европското првенство, дека клучните дуели во групата Б допрва претстојат против Португалија и Романија.