Земјите-членки на Европската унија во четврток официјално го одобрија 19-от пакет санкции против Русија поради војна во Украина, што вклучува забрана за увоз на руски течен природен гас. Блокот од 27 земји веќе го одобри пакетот во среда навечер откако Словачка ја укина блокадата.
„Ова е значаен пакет што ги таргетира главните извори на приходи на Русија преку нови енергетски, финансиски и трговски мерки“, соопшти данското претседателство со ЕУ.
Забраната за течен природен гас ќе стапи на сила во две фази: краткорочните договори ќе завршат по шест месеци, а долгорочните договори ќе завршат на 1 јануари 2027 година. Целосната забрана ќе стапи на сила една година порано од планот на Комисијата за ставање крај на зависноста на блокот од руските фосилни горива.
Меѓу мерките е и нов механизам за ограничување на движењето на руските дипломати во рамките на ЕУ, се додава во соопштението за медиумите.
„Цел да се нападнат руските банки, крипто берзите, субјектите во Индија и Кина, меѓу другите“, објави шефицата за надворешна политика на ЕУ, Каја Калас на X.
„ЕУ го ограничува движењето на руските дипломати со цел да се спротивстави на обидите за дестабилизација. На Путин му е сè потешко да ја финансира оваа војна“, тврди Калас.
Данскиот министер за надворешни работи, Ларс Леке Расмусен, изјави дека забраната за увоз на течен природен гас (LNG) е важен чекор кон целосно укинување на присуството на руската енергија во Европската унија.
Слични новости
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков
Најмалку 23 мртви во пожар во ноќен клуб во Гоа
Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа