Европскиот парламент ги оневозможи функциите на вештачка интелигенција на таблетите што им ги доделува на пратениците, поради безбедност и заштита на податоците, се наведува во имејл испратен денеска до европратениците, дознава Еурактив.
Според имејлот, одлуката за блокирање на ВИ алатките, вклучително и помошниците за пишување и виртуелните асистенти, е донесена врз основа на препораките на тимовите на ЕП за кибер безбедност и заштита на личните податоци.
„Проценките покажаа дека некои од овие функции користат клауд сервиси за задачи што можат да се извршат локално, испраќајќи податоци надвор од уредот“, се вели во имејлот, со напомена дека моментално се врши дополнителна анализа за да се утврди „колкав е обемот на податоците што се споделуваат со провајдерите“.
„Додека ова целосно не се разјасни, се смета за посигурно функциите да останат оневозможени“, се додава во соопштението.
Слични новости
Гитарскиот прозиводител Гибсон најави сензационална соработка со Кит Ричардс
На светскиот пазар ќе се појават само 50 примероци од Гибсонот 1960 со потпис на Кит Ричардс.
Прва медицинска евакуација на НАСА – поради астронаут на кој му е потребна лекарска нега
Астронаут на кој му е потребна лекарска нега ја напушти Меѓународната вселенска станица со тројца членови на екипажот, во првата медицинска евакуација на НАСА.