Обединетите Арапски Емирати (ОАЕ) веќе на 1 мај ги напуштаат организациите на земјите извознички на нафта ОПЕК и ОПЕК+. И тоа во време кога светот, поради војната на САД и Израел против Иран е среде тешка енергетска криза, а светската економија е разнишана.
Според соопштението за печатот на државната новинска агенција ВAM, одлуката била темелно разгледана од страна на властите во Емиратите, при што особено биле земени предвид постојаните „нарушувања во Персискиот Залив и Ормутскиот теснец.
„Оваа одлука ја одразува долгорочната стратешка и економска визија на ОАЕ и промената во енергетскиот профил на земјата“.
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.
Тоа покажува дека Емиратите не се задоволни од водството на ОПЕК. Тоа е порака до Саудиска Арабија и показател за состојбата на односите меѓу Саудиска Арабија и Емиратите, без разлика дали на политичко или на економско ниво кога станува збор за енергетски прашања.
Во иднина кога извозот на нафтата ќе се нормализира, ОАЕ би можеле да пласираат повеќе барели на пазарот без ограничувања.
Вашингтон одлуката ја интерпретира како успех на претседателот на Трамп кој повеќе пати ја критикуваше ОПЕК дека вештачки ја зголемува цената на нафтата.
Емиратите се сметаат за блиски сојузници на САД и се потписнички на Аврамските договори, со кои ги нормализираа односите со Израел.
Слични новости
САД тврдат дека ја пробиваат блокадата во Ормутскиот теснец, Техеран демантира
Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Трамп: Конфликтот со Иран би можел да потрае уште 2-3 недели, САД се веќе победници
Од воен аспект ние веќе победивме. Имаа 159 бродови, сега немаат ниту еден, сите се потопени и се на дното на морето. Или ќе постигмене вистински договор со Иран, или воено ќе победиме“ нагласи Трамп.
Падна цената на нафтата откако САД најавија акција на солбодување на заглавените бродови кај Ормутскиот теснец
Фјучерсите за суровата нафта утрово паднаа, откако американскиот претседател Доналд Трамп изјави дека Вашингтон ќе премине на „ослободување“ на заглавени товарни бродови во Ормускиот теснец и посочи на напредок во преговорите со Иран иако Техеран го одбива планот.