Обединетите Арапски Емирати (ОАЕ) веќе на 1 мај ги напуштаат организациите на земјите извознички на нафта ОПЕК и ОПЕК+. И тоа во време кога светот, поради војната на САД и Израел против Иран е среде тешка енергетска криза, а светската економија е разнишана.
Според соопштението за печатот на државната новинска агенција ВAM, одлуката била темелно разгледана од страна на властите во Емиратите, при што особено биле земени предвид постојаните „нарушувања во Персискиот Залив и Ормутскиот теснец.
„Оваа одлука ја одразува долгорочната стратешка и економска визија на ОАЕ и промената во енергетскиот профил на земјата“.
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.
Тоа покажува дека Емиратите не се задоволни од водството на ОПЕК. Тоа е порака до Саудиска Арабија и показател за состојбата на односите меѓу Саудиска Арабија и Емиратите, без разлика дали на политичко или на економско ниво кога станува збор за енергетски прашања.
Во иднина кога извозот на нафтата ќе се нормализира, ОАЕ би можеле да пласираат повеќе барели на пазарот без ограничувања.
Вашингтон одлуката ја интерпретира како успех на претседателот на Трамп кој повеќе пати ја критикуваше ОПЕК дека вештачки ја зголемува цената на нафтата.
Емиратите се сметаат за блиски сојузници на САД и се потписнички на Аврамските договори, со кои ги нормализираа односите со Израел.
Слични новости
Италијанската банка Уникредит забележа рекорден квартал со пораст на нето добивката за 16,1 насто
Италијанската банка Уникредит денеска соопшти дека во првиот квартал на 2026 забележа најдобар квартален резултат во историјата, со раст на нето добивката за 16,1 насто меѓугодишно.
Благ пад на цената на нафтата на светските берзи
Цената на сировата нафта на светските берзи денеска падна за 2,21 насто на 104 долари за барел, додека цената на референтната нафта Брент падна за 1 насто на 113,2 долари за барел.
Хуго Бос ги надмина прогнозите и покрај падот на добивката во првиот квартал
Извршниот директор на Хуго Бус изјави дека војната на САД и Израел против Иран придонесоа за негативно влијание врз продажбата на клучни пазари, а особено на Блискиот исток.