Драстичен пад на цената на нафтата на берзите по спогодбата меѓу САД и Иран и отварањето на Ормутскиот теснец

Глобалните цени на нафтата драстично паднаа откако САД и Иран постигнаа двонеделнен договор за прекин на огнот и отварање на Ормутскиот теснец.

Цената на референтната сирова нафта Брент падна за 13 насто на 94,80 долари за барел, а американската нафта забележа пад од 15 насто и се тргуваше по цена од 95,75 долари за барел, пренесува Би Би Си.

И покрај тоа цените се и натаму повисоки од пред почетокот на конликтот на 28 февруари, кога нафтата се продаваше за 70 долари за барел.

Веста за примирјето се одрази и врз берзите каде што дојде до скок на акциите.