Излезноста на вториот круг локални избори на ниво на цела Македонија е 2,88%, истакнаа од Државната изборна комисија.
До 9 часот, вкупно гласале 22.379 гласачи.
Борис Кондарко, претседателот на ДИК соопшти дека сите избирачки места се навреме отворени, и гласањето се одвива без проблеми.
„Единствено во Општина Дојран во избирачко место 0385, поради технички проблеми со смарт картицата на уредот, имаше мал застој, проблемот е решен, и ова прашање е надминато, гласањето тече непрекинато во ова избирачко место. Други нема никакви проблеми, потешкотии, неправилности не се регистрирани ниту пријави, и немаме ниту приговори од политички партии.
ДИК ја известува јавноста дека ќе биде на терен, ќе посети определени избирачки места и определи изборни комисии без претходна најава. Сакаме да пратиме порака дека целиот изборен процес ќе биде под надзор.
И по завршување на гласањето по 19 часот членовите на ДИК ќе бидат присутни на некои места без претходна најава, и исто така ќе го набљудуваме и процесот на броење на гласовите. Ова е се со цел за поголема транспарентност и надзор на изборниот процес“, изјави Кондарко.
Слични новости
АХВ до крајот на декември ќе ја спроведе кампањата за вакцинација на лисиците и дивите карнивози против беснило
Агенцијата за храна и ветеринарство од 6 декември почна со втората годинешна кампања за орална вакцинација на лисиците и дивите карнивози против болеста беснило
До 40 минути се чека на Табановце и на Дојран
. На „Дојран“ времето на чекање изнесува околу 30 минути, додека на излез од државата на „Табановце“ возачите чекаат до 40 минути
Доделување на државната награда „Св. Климент Охридски“ 2025
Во Собранието денеска во 11:00 часот, Одборот за доделување на државната награда „Св. Климент Охридски“ ќе ја додели државната награда „Св. Климент Охридски“ за 2025 година