Белгија не сака да ги сноси ризиците од таканаречениот „репаративен заем“ со користење на запленетите руски средства и може да се согласи на него само ако другите членки се согласат да ги споделат ризиците, а сè уште нема доволен напредок во врска со ова, изјави во четвртокот белгискиот премиер Барт де Вевер.
„Сè уште не сум видел текст што би бил прифатлив за Белгија. Се надевам дека ќе го видам денеска“, изјави Вевер во четвртокот наутро во белгискиот парламент, пред почетокот на самитот на лидерите на ЕУ каде што прашањето за финансирање на Украина е главна тема.
„Секако, можам да направам компромис, но тоа не е можно во одредени точки што ја загрозуваат финансиската безбедност на Европа и Белгија“, рече белискиот премиер.
Околу 210 милијарди евра руски средства се запленети во земјите-членки на ЕУ од почетокот на руската инвазија во Украина во февруари 2022 година. Поголемиот дел од овие средства, 185 милијарди, беа депонирани во белгиската клириншка куќа „Euroclear“.
Де Вевер рече дека Комисијата постигнала напредок во своите предлози за поделба на финансискиот ризик во случај на неповолна арбитражна одлука и по прашањето сите институции на ЕУ што поседуваат руски средства да бидат третирани подеднакво со „Euroclear“.
Сепак, ова сè уште не е доволно во однос на обемот на покриеност на ризикот во случај на арбитражна одлука во Русија или во други јурисдикции на трети земји како што се Кина или Јужноафриканската Република, кои се повеќе или помалку блиски до Русија.
Поради тоа, Белгија сака целокупна поделба на ризикот и „неограничени гаранции“ бидејќи ризиците не можат да се предвидат.
Сепак, тешко е дека другите земји-членки ќе се согласат на „неограничени гаранции“, бидејќи тоа би значело еден вид бланко чек и прашањето е како да се даде согласност за нешто што не е однапред дефинирано, пишува Reuters.
Белгија се обиде последните денови за време на интензивните преговори да се залага за друга опција за финансирање на Украина, заедничко задолжување гарантирано од европскиот буџет. Сепак, ова бара согласност од сите земји-членки, што е невозможно со оглед на позицијата на Унгарија, а веројатно и на некои други земји.
Затоа, Белгијците предложија овде да се користи член 122 од Договорот за финансирање на ЕУ, кој под одредени околности предвидува можност за одлучување со квалификувано мнозинство наместо со консензус. Врз основа на тој член, ЕУ минатата недела ги замрзна руските средства на неопределено време, за да не мора да се продолжува со консензус на секои шест месеци како порано.
Сепак, дипломатите предупредуваат дека користењето на тој член за заедничко задолжување би било катастрофално бидејќи би значело дека квалификувано мнозинство би можело да се користи за сè, што е спротивно на сите можни правила.
Де Вевер вели дека гледа законска можност за ова, со одредба дека на некои земји кои одбиваат да им се дозволи да добијат ослободување.
Слични новости
Синиша Каран избран за нов претседател на Република Српска
Според прелиминарните резултати на Централната изборна комисија Синиша Каран освоил 50,54 насто од гласовите, а неговиот противкандидат Бранко Блануша 48,09 насто.
Обвинителството во Хаг побара по 45 години затвор за поранешните лидери на ОВК
Главната обвинителка Ким Вест му предложи на судот да ги осуди Хашим Тачи, Кадри Вејсели, Реџеп Селими и Јакуп Красниќи по сите 10 точки од обвинението, поради нивниот личен придонес во кривичните дела.
Киднапиран венецуелскиот опозициски лидер Хуан Пабло Гуанипа
Венецуелскиот опозициски лидер Хуан Пабло Гуанипа е киднапиран во Каракас околу полноќ по локално време, само неколку часа откако беше ослободен од затвор, објави опозициската лидерка и добитничка на Нобелова награда за мир, Марија Корина Мачадо.