Терористичките напади на 11 септември 2001 година не оставија само огромни човечки и политички последици, туку предизвикаа и сериозен економски удар врз САД. Директната материјална штета се проценува на повеќе од 20 милијарди долари, но вкупната цена за американската економија со текот на годините се искачи на стотици милијарди долари.
Светот по 11 септември 2001 година повеќе не е ист, терористичките напади врз САД предизвикаа безбедносни, стратешки и политички промени.
По нападот САД ја сменија воената стратегија, напуштајќи го концептот на одвраќање кон право на превентивни воени напади врз држави кои кријат или поддржуваат терористички групи.
Применувајќи ја Доктрина на превентивна војна (Доктрина на Буш), САД во 2001 година а почнуваат Глобалната војна против тероризмот и го напаѓаат Авганистан, а две години подоцна Ирак.
Првпат во историјата на НАТО е активиран членот 5 од Северноатлантскиот договор за заедничка одбрана, а Алијансата дејствуваше вон евроатлантскиот регион. Со тоа е променета и стратегијата и мисијата на НАТО од класична одбрана на границите во Европа кон борба против глобалниот тероризам.
Откако САД потврдија дека зад нападите стои Ал Каеда со база во Авганистан, Членот 5 стана целосно оперативен на 4 октомври 2001 година, со што се овозможи директно учество на сојузниците во воените и безбедносните операции.
Во нападите загинаа речиси 3.000 луѓе, а илјадници други беа повредени или подоцна се соочија со сериозни здравствени последици.
Два од авионите удрија во Кулите близначки на Светскиот трговски центар во Њујорк. Двете кули за два часа се урнаа уништувајќи голем дел од долниот Менхетен. Трет авион го погоди Пентагон во Арлингтон, Вирџинија. Додека патниците и екипажот на четвртиот авион им се спротивставија на терористите и киднаперите го урнаа авионот на поле во близина на Шанксвил, Пенсилванија.
Слични новости
Масовен одзив на изборите во САД, демократите во предност по преброените гласови од раното гласање
Денеска во САД се одржуваат избори на половина од претседателскиот мандат на кој се бираат сите членови на Конгресот и 35 од 100 сенатори. Резултат на изборите ќе определи дали републиканците на претседателот Донад Трамп ќе ја задржат контролата во Конгресот, или мнозинството ќе го преземат демократите.
Експлозии на три нафтени танкери во Ормутскиот теснец
Денеска дојде до експлозии и пожари на три нафтени танкери во Ормутскиот теснец, откако, според тврдењата на Иранската револуционерна гарда тие минале низ неодобрени рути за пловење и наидоа на поморски мини.
Илијана Јотова победи на претседателските избори во Бугарија
Илијана Јотова победи на претседателските избори во Бугарија со освоени 57,56 насто од гласовите, соопшти Републичката изборна комисија на Бугарија по 100 насто пребреоени гласови. Претседателката на Македонија Гордана Силјановска Давкова и го честиташе изборот на Јотова, која стана прва жена претседател на Бугарија.