Индексот Eurostoxx 50, кој ги следи водечките европски акции, како и германскиот индекс DAX, денеска се во пад од повеќе од три проценти, додека британскиот FTSE беше понизок за околу 1,7 проценти.
Пад се очекува и на Волстрит, каде што терминскиот индекс Dow Jones моментално е во минус од повеќе од 1.000 поени или околу 2,3 проценти, додека терминските индекси S&P 500 и Nasdaq исто така бележат пад поголем од два проценти.
На азиските берзи во понеделникот дојде до значителен пад на цените на акциите, откако инвеститорите беа вознемирени од силниот раст на цената на нафтата, која се искачи значително над 110 долари за барел. Индексот MSCI на азиско-пацифичките акции околу 6:30 часот беше во минус од повеќе од три проценти.
Поради силниот пад, јужнокорејскиот индекс Коспи рано утринава се намали за повеќе од осум проценти, по што на берзата привремено беше прекинато тргувањето.
Значителни загуби бележат и другите азиски берзи, а се очекува пад и на најголемите светски пазари, со оглед на тоа што терминските индекси се во длабок минус.
Слични новости
Историски рекорд: Илон Маск стана првиот човек со богатство преку 800 милијарди долари
Американскиот бизнисмен Илон Маск стана прв човек во историјата чие богатство надминува 800 милијарди долари откако неговата фирма Спејс Икс ја купи неговата компанија за вештачка интелигенција ХАИ.
Австрија: Годишната инфлација падна на 2 насто во јануари
Секторот на енергетика во Австрија забележа пад на цените од 4,9 насто во однос на јануари минатата година, што само по себе ја намали вкупната стапка на инфлацијата за 1,2 процентни поени.
Швајцарската банка УБС со нето профит од 1,2 милијарди долари во последниот квартал од 2025
Швајцарската банка УБС денеска објави дека во четвртиот квартал на 2025 оствари нето добивка од 1,2 милијарди долари, далеку над очекувањата на берзите.