Годишната инфлација во Бугарија порасна во октомври на 6,1 насто од 5,7 насто колку што изнесуваше во септември и сега е највисока за последните пет месеци, покажува најновиот извештај на бугарскиот национален институт за статистика.
Забрзување на инфлацијата е забележано во повеќето категории на производи и услуги, а најголемата ставка и натаму доаѓа од транспортот, каде што цените пораснаа за 27,1 насто на годишно ниво.
Цените во бугарските ресторани и хотели се зголемени за 9,8 насто меѓугодишно. Цените на храната и безалкохолните пијалоци пораснаа за 1,9 насто, а на месечно ниво потрошувачките цени во Бугарија пораснаа за 1,3 насто.
Слични новости
Забрзува германската економија, најбрз раст на приватниот сектор од минатиот октомври
Активноста на приватниот сектор во Германија го забрза растот во септември со опоравување на услужниот сектор и продолжување на солидниот раст на производството во индустријата, покажаа резултатите на агенцијата С&П Глобал.
Нафтата Брент и натаму над 100 долари за барел, пораснаа и цените на гасот во Европа
Цената на нафтата Брент денеска поскапе, откако минатите денови забележа пад и се врати на околу 102 долари за барел. Фјучерсите на северноморската нафта Брент за ноември пораснаа за 1,36 насто на 101,7 долари за барел, додека американската нафта ВТИ месечно поскапе за 1,71 насто на 97,42 долари за барел, пренесе Си-Ен-Би-Си.
Поради прекумерен дефицит Италија останува под мерките на ЕУ
Италија нема да може да излезе од процедурите на Европската унија поради прекумерниот буџетски дефицит, откако италијанскиот завод за статистика Истат денеска потврди дека дефицитот на Италија во 2025 година изнесуваше 3,1 насто од БДП-то, односно дека е над дозволената граница од 3 насто на ЕУ.