Германскиот министер за надворешни работи Јохан Вадефул изјави дека Берлин не гледа улога на НАТО во решавањето на ситуацијата во Ормускиот теснец.
Со ова тој реагираше на изјавата на Доналд Трамп, кој во интервју за „Фајненшел тајмс“ рече дека би било „многу лошо“ за иднината на Алијансата ако членките не помогнат во обезбедувањето на тој воден пат.
Вадефул го даде коментарот во Брисел, во пресрет на состанокот на Советот за надворешни работи на Европската унија. „Не гледам дека НАТО донел каква било одлука во таа насока, ниту дека би можел да преземе одговорност за Ормускиот теснец“, рече Вадефул.
„Доколку беше така, тогаш надлежните тела на НАТО би се справиле со тоа“, додаде тој.
Слични новости
Историски минимум за Трамп: Мнозинството Американци не се согласува со политиката на Белата куќа
Само 33 насто од испитаниците изјави дека го поддржува Доналд Трамп како претседател, додека дури 62 насто не ги одобруваат неговите потези. Особено е впечатливо дека дури 53 насто од анкетираните „силно се спротивставува“ на актуелниот курс на американската администрација.
Kувајтски танкер со нафта погоден во Дубаи
Кувајтската нафтена корпорација соопшти дека танкерот за нафта „ал-Салми“ бил погоден од „непознат проектил“ покрај брегот на Дубаи во Обединетите Арапски Емирати. Фирмата вели дека пожарот на бродот е локализиран, целиот екипаж е безбеден и не е идентификувано никакво влијание врз животната средина.
Техеран тврди дека американските носачи на авиони се повлекоа на 1.000 километри од иранскиот брег
Американските носачи на авиони веќе не се присутни во Персискиот залив, бидејќи се повлекоа на 1.000 километри од брегот на Иран, изјави заменик-командантот на Исламската револуционерна гарда генерал Али Фадави.